Відэафакт: Ля падножжа Эверэста з'явілася чарга з сотняў чалавек
2- 26.05.2019, 11:33
- 10,899
Фенаменальная колькасць людзей выкліканая спрыяльным для ўздыму надвор'ем, а таксама ўзрослай папулярнасцю экспедыцыі.
22 траўня да вяршыні Эверэста выбудавалася велізарная чарга. СМІ паведамілі аб 200 турыстах, адзін з альпіністаў налічыў больш за 300 і апублікаваў фота чаргі. Паведамляецца таксама пра загінулых альпіністаў, звесткі пра колькасць адрозніваюцца, піша tut.by.
Паводле звестак непальскіх чыноўнікаў, у чацвер, 23 траўня, на вяршыню Эверэста дабраліся 120 чалавек, днём раней - 200. Альпініст Нірмал Пур’я пакараў вяршыню 22 траўня і трапіў у чаргу з турыстаў. Ён апублікаваў фота чаргі да вяршыні і паведаміў, што ў ёй знаходзіцца больш за 300 чалавек.
Phase one complete with a week to spare. I hope people are now believing. I hope the support continues and #ProjectPossible meets the funding and sponsorship we still need. Strange how a photo of a queue has had the biggest response so far!! pic.twitter.com/ZIOCYPCjzf
— Nimsdai (@nimsdai) May 24, 2019
Паведамляецца аб загінулых. У чацвер загінуў 27-гадовы Ніхал Багван, ён страціў прытомнасць у чарзе і загінуў. Падчас спуску з гары загінулі дзве жанчыны: 54-гадовая Анджал Кулькарні і 49-гадовая Калпана Дас. У суботу раніцай таксама падчас спуску памёр 44-гадовы брытанскі альпініст Робін Фішэр.
Several high altitude tourists, Sherpas ascending/descending at death zone of Mt #Everest on 22 May, 2019. https://t.co/LzeFw6AErk #Everest2019 pic.twitter.com/sNoXQsj00o
— Everest Today (@EverestToday) May 25, 2019
Паводле звестак праваднікоў і арганізатараў узыходжання на гару, многія з загінулых правялі па некалькі гадзін у чарзе да вяршыні і былі знясіленыя і выматаныя. Усяго ж, паводле звестак розных СМІ, загінулі блізу 10 чалавек. Часцей за ўсё людзям станавілася дрэнна на вышыні 7-8 тысяч метраў, у так званай зоне смерці, дзе мала кіслароду.
Экспэрты адзначаюць, што такой колькасці людзей ля вяршыні для ўздыму паспрыяла добрае надвор'е, а таксама рост папулярнасцю экспедыцыі. Сезон для ўзыходжання доўжыцца звычайна блізу месяца, сёлета ён пачаўся 14 траўня. Кошт узыходжання на вяршыню складае блізу 10 тысяч даляраў. Гэтай вясной колькасць выдадзеных уладамі дазволаў на пад'ём - амаль 380. Часта гідамі для альпіністаў становяцца прадстаўнікі народнасці шэрпа, якая жыве ў Непале.
Такая вялікая колькасць людзей на вяршыні не ўпершыню. Некалькі гадоў таму нямецкі альпініст Ральф Дуджмовіц апублікаваў фатаграфію чаргі з некалькіх соцень чалавек на схіле гары.
'The Human Snake' taken by Ralf Dujmovits on Lhotse Face, Everest. Infamous pic from last season #busy pic.twitter.com/F0Gx3zgKBH
— Jim Martin (@jimfingerz) April 30, 2013