17 чэрвеня 2019, панядзелак, 6:49
Мы ў адной лодцы
Рубрыкі

Пуцін у вольным падзенні

4

Удача відавочна адвярнулася ад кіраўніка Расеі.

Нават нацыянальная каманда РФ у хакеі саступіла фінам у паўфінале ЧС. Нават прыдворны УЦДГМ вымушаны фіксаваць далейшае падзенне рэйтынгу даверу, піша тэлеграм-канал «СерпомПо».

Адшумелі парады і святы, прайшлі пехам «несмяротныя палкі». І давер зноў паехаў уніз - Пуціну давярае ўжо менш за траціна расейцаў - 31,7% - ён зноў абнавіў свой гістарычны мінімум.

І гэта - УЦДГМ! А што на самой справе? Што думаюць грамадзяне, якія пратэстуюць супраць «кепскіх» храмаў? І ўжо не толькі ў Екацярынбургу. Піцерцы, чалябінцы, мурманчане, якім навязваюць чарговых, нікуды не здольных губернатараў? Пенсіянеры, якія праз Пуціна не могуць, як планавалі, выйсці на заслужаны адпачынак? Пераважная большасць расейцаў, якія дзякуючы «мудрай палітыцы» пуцінскага ўрада, ужо 6-ы год запар галеюць?

Падзенне афіцыйнага рэйтынгу даверу з 47,4% да 31,7% (травень 2018 да траўня 2019) - гэта яшчэ добры варыянт. Маўляў, ёсць яшчэ 30% наіўных ці запалоханых, якія па звычцы кажуць: «Пуціну верым!»

Што яшчэ антынароднага павінен зрабіць нязменны наш, каб пачалі бачыць і яны? Колькі яшчэ мільярдаў, трыльёнаў павінны скрасці яго блізкія і далёкія дружыннікі, каб расейцы сказалі: «Годзе»?

Або яны, як іх савецкія дзядулі-бабулі, таты-мамы, і 70, і 40 гадоў таму будуць трываць «да вынасу цела». Чарговага.

Пуціну, зірнуўшы на свой рэйтынг, самы час сказаць: «Я стаміўся, я сыходжу». І сысці. Пакуль яшчэ ёсць сілы самому выпаўзці на лёд і як бы забіць аж 10 шайбаў.

Не варта сядзець да настольнага хакея, анекдотаў пра алавяных салдацікаў, якіх забраў Шайгу і не аддае, да гонкі на лафетах...