Фотафакт. Супрацоўнік ДАІ з «мінулага» аформіў ДТЗ у Берасці

На вуліцах горада з'явіўся дзіўны міліцыянт.

25 траўня на праспекце Машэрава, побач з ЦУМам, у Берасці адбылася аварыя, паведамляе «Виртуальный Брест».

ДТЗ было настолькі дробным, што ніхто б не звярнуў на яго ўвагу, калі б афармленнем пратакола не заняўся дзіўны міліцыянт.

Гэта быў супрацоўнік ДАІ часоў СССР. А калі быць дакладней, то яго вобраз. Мабыць, берасцейцы і госці горада такім чынам святкуюць Brest Bike Festival International.