Абаронца нацыянальнай каманды Фінляндыі: Авечкін спрабаваў зламаць мне спіну

Олівер Каскі пракаментаваў эпізод барацьбы ў пачатку першага перыяду на матчы ЧС-2019.

Абаронца нацыянальнай каманды Фінляндыі Олівер Каскі пракаментаваў эпізод барацьбы ў пачатку першага перыяду, калі яму дасталося ад нападніка каманды Расеі Аляксандра Авечкіна ў матчы ½ фіналу ЧС-2019 (1:0), паведамляе «Чемпионат».

- Авечкін спрабаваў зламаць мне спіну. На шчасце, яму не ўдалося гэтага зрабіць, а мы выйгралі матч. Пасля такой перамогі ніякай болю не адчуваецца. З кім лепш гуляць у фінале? І Канада, і Чэхія - добрыя каманды, - прыводзіць словы Каскі Iltalehti.

У згаданым фінам эпізодзе Каскі і Авечкін атрымалі ўзаемныя дзвюххвілінныя штрафы.

Чэмпіянат свету ў хакеі, які праходзіць у Браціславе і Кошыцэ, завершыцца 26 траўня.

У фінале ЧС-2019 у Браціславе будуць змагацца Канада - Фінляндыя (пачатак а 21.15 паводле менскага часу). А дагэтуль за бронзу пазмагаюцца Расея - Чэхія (16.45).

На групавой стадыі ў Кошыцэ гулялі каманды з групы «А» (Канада, ЗША, Фінляндыя, Нямеччына, Славакія, Данія, Францыя і Вялікабрытанія). На арэне ў Браціславе праходзілі матчы групы «В» (Швецыя, Расея, Чэхія, Швейцарыя, Нарвегія, Латвія, Аўстрыя і Італія).