«Абавязваюся забяспечыць харчаваннем і тэлефанаваць дырэктару штотыдзень»

У гомельскім каледжы іншагародніх студэнтаў адпускаюць на лета дадому толькі па заяве бацькоў.

Іншагароднія студэнты Гомельскага машынабудаўнічага каледжа нават улетку не могуць вярнуцца дадому, пакуль іх бацькі не дадуць згоду, піша gomel.today.

Цяпер бацькам ужо зусім не маленькіх дзяцей даводзіцца атрымліваць дазвол на бытаванне вучняў у родных сценах падчас летніх вакацый.

Заяву на імя дырэктара апублікавалі ў Telegram-канале «адлічана». У заяве патрабуюць пазначыць кантактныя звесткі бацькоў і адрас жыхарства. Але і гэтым не абмяжоўваюцца. Бацькі павінны дакументальна пацвердзіць, што яны будуць забяспечваць сваё дзіця «жытлом і харчаваннем на ўвесь перыяд знаходжання». Акрамя гэтага, яны павінны штотыдзень тэлефанаваць куратару або сацыяльнаму педагогу.