Парашэнка: Застаюся ў палітыцы, каб абараніць дасягненні Украіны за 5 гадоў і захаваць курс краіны ў ЕЗ і NАТO
20- 19.05.2019, 20:15
- 14,791
Пра гэта Пятро Парашэнка заявіў у сваім развітальным звароце на пасадзе прэзідэнта Украіны.
Пятро Парашэнка заявіў, што застаецца ў палітыцы, каб абараніць дасягненні Украіны за 5 гадоў ягонага прэзідэнцтва і захаваць курс краіны на еўраінтэграцыю.
Пра гэта ён сказаў у сваім развітальным звароце на пасадзе прэзідэнта, інфармуе Цензор.НЕТ.
"Мяне, вядома, турбуе тое, што пазітыўныя змены, там дзе яны ёсць, яшчэ не сталі незваротнымі. Таму, сыходзячы з офіса Прэзідэнта, не магу сысці з палітыкі. Застаюся ў ёй не дзеля якой-небудзь пасады. Прынамсі, самую высокую і ганаровую з іх я ўжо займаў і вышэй рухацца няма куды", - сказаў Парашэнка.
"Мой абавязак - абапіраючыся на падтрымку грамадскасці, абараніць ужо здабытае ў дзяржаўным ладзе. Нікому не дазволіць ні звярнуць з курсу на сяброўства ў Еўразвязе і NАТJ, ні цішком спусціць яго на тармазах", - дадаў ён.
Парашэнка падкрэсліў, што "рытуальных праеўрапейскіх і еўраатлантычныя дэкларацый - мала".
"Патрэбна паўсядзённая цяжкая праца, якую мая каманда рабіла цягам 5 гадоў. Гэта тое, што як грамадзянін буду патрабаваць ад новай улады, і ў чым гатовы падставіць ёй плячо. Роўна як і не даваць спуску ў выпадку адхіленні ад выверанага курсу. Усе спробы вярнуць краіну ў сферу расейскага ўплыву атрымаюць смелы адпор", - адзначыў Парашэнка і падкрэсліў, што стратэгічная мэта, якую ён абвясціў падчас перадвыбарнай кампаніі, застаецца ў сіле.
"Стратэгічная мэта - да 2023 годзе падаць заяўку на сяброўства ў Еўрапейскім Звязе і атрымаць План дзеянняў абсяброўстве ў NАТО. Толькі гэта гарантуе незалежнасць краіны і бяспеку кожнага з нас. Дасягненне такой мэты - задача кожнага адказнага грамадзяніна. Мая - у тым ліку", - заявіў Парашэнка і падкрэсліў, што верыць у поспех Украіны і ў яе еўрапейскую будучыню.