У Егіпце адбыўся выбух побач з турыстычным аўтобусам
- 19.05.2019, 16:34
- 13,264
Здарэнне адбылося ля новага егіпецкага музея ў Гізе.
Каля новага егіпецкага музея ў Гізе (будуецца недалёка ад пірамід) адбыўся выбух. Пра гэта са спасылкай на крыніцы ў мясцовых праваахоўных органах паведамляюць Reuters і Sky News Arabia, піша РБК.
Выбуховая прылада, паводле іх інфармацыі, спрацавала ў момант, калі побач праязджаў турыстычны аўтобус. Суразмоўцы Reuters паказваюць, што большасць пацярпелых - замежныя турысты. Усяго, паводле ацэнак крыніц агенцтва, раненні атрымалі 12 чалавек.
Пры гэтым суразмоўцы Sky News Arabia кажуць пра 17 пацярпелых. З іх слоў дзесяць з іх - егіпцяне, яшчэ сем чалавек - з Паўднёвай Афрыкі.
Інфармацыі пра ахвяраў здарэння пакуль няма, адзначае Reuters. У якім стане знаходзяцца раненыя, агенцтва і тэлеканал таксама не ўдакладняюць.