Відэафакт: Што думаюць у Магілёве пра забойства афіцэра ДАІ

Журналісты пагаварылі з жыхарамі горада.

Звыклае правінцыйнае жыццё Магілёва ўскалыхнула рэдкае для Беларусі ў сваёй дзёрзкасці злачынства: невядомыя застрэлілі супрацоўніка міліцыі, 22-гадовага інспектара ДАІ Яўгена Патаповіча. Па гарачых слядах у злачынстве былі западозраныя цыганы на чорнай «Волзе», аднак затым гэтая версія перастала быць прыярытэтнай.

У выніку беспрэцэдэнтнай мабілізацыі міліцэйскіх сілаў вобласці абстаноўка ў Магілёве стала нагадваць ваеннае становішча: блокпосты, пасты ДАІ, тармозячы спачатку ўсе чорныя «Волгі», а затым і ўсе запар чорныя аўтамабілі, на вуліцах горада былі заўважаныя нават вайскоўцы.

У раёнах кампактнага пражывання цыганоў - Чапаеўка і Грэбянёва - прайшлі масавыя аблавы на прадстаўнікоў гэтай нацыянальнасці, якія, са сведчанняў відавочцаў, суправаджаліся жорсткім і бесцырымонным абыходжаннем. Удзень 17 траўня ў аддзелах міліцыі заставалася больш за сто чалавек.

Могилев.Онлайн паглядзеў на тое, што адбываецца ў горадзе, у тым ліку ў так званых «цыганскіх» раёнах, і пагутарыў з гараджанамі.