Сяргей Ташуеў: «Шахцёр» гуляе ў дамінантны футбол

Рулявы салігарчанаў параіў апанентам «вучыць матчастку».

Рулявы «Шахцёра» Сяргей Ташуеў пасля перамогі над менскім «Дынама» (3:0) у матчы 8-га тура чэмпіянату Беларусі чарговым разам адзначыў, што яго каманда гуляе ў дамінантны футбол, паведамляе pressball.by.

- Пры гэтым вы не сказалі сёння ніводнага слова аб дамінаванні...

- Я сказаў там, тэлевізійнікам. Мы гуляем у дамінантны футбол. Гэта наша ідэя. Няхай людзі вучаць матчастку. Матчастку! Там, дзе людзі вучыліся, я выкладаў. І зараз выкладаю.

Яшчэ адзін момант адзначу. За маёй спінай працуе такі чалавек, як Барыс Рыгоравіч Чырва, у яго ўчора быў юбілей - 60 гадоў. Я хацеў бы павіншаваць яго ў прэсе, каб гэта асвятлілі, таму што чалавек выдаў 160 метадычак футбольных, масу кніг. Кніга па тэхніцы выйшла ў Бразіліі на партугальскай мове аж у 1996 годзе. Кансультаваў заснавальнікаў InStat, яны і да мяне таксама звярталіся. А тое, што мы зараз робім, гэта ноу-хау наша асабістае. Рыгоравіч вялікі чалавек, мой сябар, мы з ім разам гулялі ў футбол. Калі хто-небудзь думае, што ён толькі кніжкі піша, то ён у 19 гадоў гуляў у першай лізе СССР. Мы разам з ім у футбол гулялі, ён не з вуліцы, ён футбаліст і вельмі добры футбаліст былы. Хацелася павіншаваць яго з юбілеем праз прэсу. Гэта мой блізкі сябар з 9 гадоў.