На М1 у Смалявіцкім раёне сур'ёзная аварыя: Рух у кірунку Расеі закрыты
7- 15.05.2019, 17:55
- 25,900
Ёсць пацярпелыя.
На трасе М1 у Смалявіцкім раёне праз сур'ёзнае ДТЗ абмежаваны рух транспарту.
Як паведаміў tut.by афіцыйны прадстаўнік ДАІ Менскай вобласці Сяргей Чабатароў, аварыя адбылася 15 траўня, блізу 14.30, на 377-м кіламетры трасы М1 Берасце – Менск – мяжа РФ. Прычыны і абставіны ДТЗ цяпер высвятляюцца. Паводле папярэдняй інфармацыі, ёсць загінулы.
У сувязі з аварыяй рух усіх транспартных сродкаў у напрамку Расейскай Федэрацыі цяпер абмежаваны.
ДАІ просіць браць да ўвагі гэтую інфармацыю пры выбары маршруту руху.