28 сакавiка 2024, Чацвер, 20:19
Падтрымайце
сайт
Сім сім,
Хартыя 97!
Рубрыкі

Вынікі выбараў ва Украіне закрануць і Беларусь

9
Вынікі выбараў ва Украіне закрануць і Беларусь
БАГДАН ЯРЭМЕНКА

Дэмакратыя ва Украіне развіваецца імкліва і цікава.

Вынікі прэзідэнцкіх выбараў ва Украіне для сайта Charter97.org пракаментаваў дырэктар фонду «Майдан замежных спраў», кіраўнік Кіеўскай арганізацыі партыі «УКРОП» Багдан Ярэменка:

- Вынікі прэзідэнцкіх выбары ва Украіне, у пэўнай ступені, нечаканыя маштабнасцю новага імя, новага палітыка.

Вельмі важна, што ва ўсіх рэгіёнах краіны, акрамя аднаго, перамог Уладзімір Зяленскі. Гэта значыць, ён перамог на выбарах як агульнанацыянальны палітык. Гэта вельмі цікавая тэндэнцыя ў рамках усёй Украіны. Яна сведчыць аб паступовай спробе сцірання розніцы паміж Усходам і Захадам. Тут Уладзімір Зяленскі выступае аб'яднальным чыннікам.

Яшчэ важна тое, што выбары прайшлі вельмі арганізавана. Ніхто не ставіць пад сумнеў дакладнасць вынікаў і першага, і другога тура. Украіне ўдалося пазбегнуць усялякіх эксцэсаў падчас выбараў. Добра спрацавала паліцыя, у тым ліку, і для забеспячэння закона аб выбарах.

Агулам, самі выбары можна ацаніць досыць пазітыўна. Хоць, вядома, гэта не здымае тых праблем, якія існуюць перад Украінай. Тым не менш, падкрэслю, што выбары самі па сабе вельмі-вельмі пазітыўныя.

- Уладзімір Зяленскі, каментуючы ўчора вынік Нацыянальнага экзіт-полу заявіў: «Як грамадзянін Украіны магу сказаць краінам былога СССР - паглядзіце на нас - усё магчыма». На ваш погляд, што азначаюць ягоныя словы?

- Вельмі цікава, што для Украіны, калі не цалкам новая, то неразведаная працэдура дэмакратыі - дэбаты была арганізаваныя без удзелу фінансавання дзяржавы. Відавочна, што дэмакратыя - гэта патрэба ўкраінцаў. Падсправаздачнасць улады народу, магчымасць народа браць удзел у выбары настолькі важныя, што вядучыя палітыкі разумеюць, што яны нават за свае грошы павінны арганізоўваць такія працэдуры для прасоўванне дэмакратыі. У гэтым плане вельмі паказальным было правядзенне дэбатаў.

Калі казаць пра словы Зяленскага, то я не ўпэўнены, ці з'яўляецца гэта адлюстраваннем, скажам замежнапалітычных поглядаў, але тое, што дэмакратыя з'яўляецца гонарам, патрэбай і выбарам украінцаў - яго словы абсалютна адлюстроўваюць. Гэта частка ягонай палітычнай праграмы або светапогляду развіцця дэмакратыі. Натуральна, што нават калі Зяленскі нічога не меў на ўвазе пра нейкія замежнапалітычныя ініцыятывы, то імклівае і цікавае развіццё дэмакратыі ва Украіне, украінскія выбары, вядома ж, будуць уплываць суседнія краіны, якія развіваюцца ў процілеглым кірунку - Беларусь, Расея і гэтак далей. У гэтым плане мы разумеем, што так ці інакш мэтанакіравана ці не жадаючы таго, Украіна будзе прыкладам і будзе арыенцірам.

Напісаць каментар 9

Таксама сачыце за акаўнтамі Charter97.org у сацыяльных сетках