Раўкоў: У адказ на выхад ЗША з ДРСМД будзем умацоўваць «саюз» з Расеяй
108- 7.02.2019, 17:56
- 41,660
Міністр абароны анансаваў умацаванне Узброеных сіл.
Міністр абароны Беларусі Андрэй Раўкоў уважае за важнае ўмацаванне саюза з Расеяй у варунках выхаду ЗША з Дамовы аб ракетах сярэдняй і меншай далёкасці (ДРСМД). Пра гэта паведамляе «Інтэрфакс».
«Будзе складана. Будзем умацоўваць Узброеныя сілы, умацоўваць абароназдольнасць, дзяржаўнасць. Умацоўваць Саюз Беларусі ды Расеі - усё гэта трэба рабіць», - заявіў Раўкоў журналістам у чацвер у Менску ў каментары наступстваў выхаду ЗША і Расеі з ДРСМД.
Аднак ён мяркуе, што для нацыянальнай бяспекі Беларусі прынцыпова новых пагроз не з'явілася. «Новых (пагроз) не з'явілася. Усе ранейшыя, усе знаёмыя», - дадаў міністр.