Сярэдні заробак у Польшчы у 2018 годзе вырас на 5,3%

Гэта найлепшы паказчык за апошнія 10 гадоў.

Сярэдні заробак у Польшчы летась вырас на 5,3%, - паведамляе Галоўнае статыстычнае ўпраўленне краіны. Гэта найлепшы паказчык за апошнія 10 гадоў. Выданне Dziennik Gazeta Prawna параўнала, якіх прадуктаў змаглі сабе дазволіць палякі больш у 2018 годзе ў параўнанні з 2008-м, паведамляе «Радио Польша».

Такім чынам, летась за сярэдні заробак можна было купіць нашмат больш, чым у 2008-м, хлеба, печыва, курыцы, каўбасы, сыру, яблыкаў, памідораў. Аднак менш ялавічыны, сасісак, крывянкі, яек, масла і бульбы.

Паводле падлікаў, што публікуюцца выданнем Dziennik Gazeta Prawna, паляк мог купіць у 2018 годзе на 190 кг больш курыцы, чым у 2008-м. На 87 кг больш свініны без косткі. На 22 кг паляўнічых каўбасак і на 47 кг больш сыру «Гоуда».

Dziennik Gazeta Prawna піша пра тое, што не толькі рост заробку, але і канкурэнцыя паміж вытворцамі прадуктаў харчавання спрыяюць павелічэнню пакупніцкай здольнасці польскіх грамадзян.

Выключэнне з агульнага правіла складае ялавічына. У 2018 годзе паляк мог купіць на 7 кг менш гэтага віду мяса, чым у 2008-м. Гэта звязана з тэндэнцыямі міжнароднага рынку, - адзначае Dziennik Gazeta Prawna.

Затое у 2018 годзе паляк мог набыць на 70 пачкаў масла па 220 г больш, чым яшчэ дзесяць гадоў таму, і аж на 498 больш штук яек. Але ў той жа час - менш бульбы - на 30 кг. За перыяд з 2008 да 2018 год у Польшчы сталі вырабляць на чвэрць менш уласных клубняў, затое вырас імпарт, асабліва ўзімку, і, адпаведна, рынкавы кошт, - канстатуе Dziennik Gazeta Prawna.