Апытанне: Партыя Тэрэзы Мэй перамагла б на датэрміновых выбарах у Брытаніі

Кансерватары пасля выбараў атрымалі б 321 месца.

Кансерватыўная партыя Тэрэзы Мэй атрымала б большасць у парламенце ў выпадку правядзення ўсеагульных выбараў у Вялікай Брытаніі.

Такія вынікі апытання YouGov, праведзенага для The Times, паведамляе «Европейская правда».

Апазіцыйная Лейбарысцкая партыя намагае на ўсеагульных выбарах, але новае даследаванне мяркуе, што яны будуць мець для яе непрыемныя наступствы: партыя Джэрэмі Корбіна страціць 12 месцаў, а кансерватары - чатыры.

Кансерватары пасля выбараў атрымалі б 321 месца, чаго цалкам дастаткова для большасці. У Палаце абшчын 650 месцаў, але сем дэпутатаў ірландскай партыі «Шын Фейн» не займаюць сваіх месцаў, а спікер не лічыцца.

Лейбарысты на новых выбарах атрымаюць 250 месцаў, тады як цяпер у іх 262 дэпутаты. Ліберальныя дэмакраты атрымаюць дадаткова чатыры месцы і іх будзе 16; прадстаўніцтва Шатландскай нацыянальнай партыі павялічыцца з 4 да 39, а еўраскептычная Ukip зноў не патрапіць у парламент..

У перыяд з 2 да 7 лютага YouGov апытаў 40 119 брытанскіх выбаршчыкаў у Англіі, Уэльсе і Шатландыі.

Адзначым, што такое мадэляванне праводзілася перад выбарамі 2017 года і яго вынікі супалі з вынікамі галасавання ў 93% акругаў.