Чэмпіён Беларусі берасцейскае «Дынама» развіталася з галоўным трэнерам
11- 9.12.2019, 10:59
- 15,752
Чэшскі трэнер пакінуў клуб з Берасця.
Футбольнае берасцейскае "Дынама" засталося без галоўнага трэнера. Кіраўніцтва клуба пастанавіла не прадаўжаць кантракт з чэшскім спецыялістам Марцэлам Лічкам. Менавіта пад ягоным кіраўніцтвам каманда з горада над Бугам упершыню стала чэмпіёнкай Беларусі і перапыніла доўгую гегемонію БАТЭ, паведамляе "Еўрарадыё".
ФК "Дынама-Брэст" дзякуе Лічку за працу і зычыць яму поспеху ў далейшай кар'еры.
Марцэлу Лічку 42 гады. Ён быў футбалістам, трэнерскую кар'еру пачаў у 2013-м. У Чэхіі Лічка альбо трэніраваў малавядомыя каманды ў ніжэйшых лігах, альбо быў асістэнтам галоўнага трэнера. Менавіта ў якасці асістэнта трэнера берасцейскага "Дынама" Радаслава Латала Марцэла Лічку запрасілі зімой 2018 года. Галоўным трэнерам ён стаў у канцы мінулага года.
Нядаўна Лічка даў інтэрв'ю чэшскаму радыё, у якім апавёў пра рознагалоссі з кіраўніком клуба, які "не разумее футбол". Галоўнага трэнера берасцейскага "Дынама" не было на чэмпіёнскай вечарыне каманды.
Марцел Личка покидает пост главного тренера «Динамо-Брест». #fcdb1960
— FC Dynamo Brest (@dynamobrest) 9 декабря 2019 г.
Подробнее: https://t.co/wCZFcdZfrw
Спасибо за все, Марцел! Удачи в покорении новых вершин! pic.twitter.com/YjKDoWvSxf