Дзяўчына з плакатам «Бывай, нямытая Расея!»: Нас вельмі шмат – і гэта выдатна
5- 8.12.2019, 12:42
- 23,370
Каб захаваць незалежнасць, трэба выходзіць на вуліцы, а не толькі пісаць каментары ў інтэрнэце.
Сёння ў Менску другі дзень запар праходзяць акцыі пратэсту супраць так званай «інтэграцыі» Беларусі і Расеі.
Актывістка партыі «Народная Грамада, якая трымае ў руках плакат “Бывай, нямытая Расея!», апавяла журналістам пра ўдзел у пратэстах за незалежнасць:
«Калі ўкраінцы выходзілі на Майдан, у іх былі такія плакаты – таму я і ўзяла гэты лозунг.
Я ўваходжу ў “Народную Грамаду” і не прапускаю ні адной акцыі пратэсту.
Калі шчыра, не чакала, што ўчора будзе так шмат людзей. Нас было шмат – і гэта выдатна. Мы паклікалі людзей – і яны прыйшлі. І так і трэба: выходзіць на вуліцы, а не толькі пісаць каментары ў інтэрнэце.
Я заўсёды буду ўдзельнічаць у акцыях пратэсту, таму што мне не ўсё роўна!»