Святлана Алексіевіч расказала, пра што будзе ейная новая кніга
2- 7.12.2019, 18:03
- 15,613
Беларуская пісьменніца працуе над ёй ужо пяць гадоў.
Беларуская пісьменніца, лаўрэат прэміі Нобэля ў літаратуры Святлана Алексіевіч у інтэрв'ю часопісу «Новое время» раскрыла галоўныя тэмы сваёй новай кнігі.
Праца над ёй вядзецца ўжо пяць гадоў, а сама кніга будзе пра каханне, расказала яна.
«Кніга, над якой я ўжо пяць гадоў працую, будзе пра каханне. Чаму я наважыла яе напісаць? Трохі ўраўнаважыць гэтую сваю энцыклапедыю савецкага жыцця. Я ўжо напісала пра чалавека на вайне, як адбывалася раскіданне імперыі, як здарыўся Чарнобыль. І я падумала, што ёсць дзве рэчы: каханне і смерць. Вось пра каханне; пра тое, як людзі імкнуліся быць шчаслівымі, а яшчэ пра старасць», - падзялілася драбніцамі Алексіевіч.