Расеец з Казані: Мне сказалі, што тут Майдан пачынаецца
4- 7.12.2019, 15:01
- 22,437
Грамадзянін РФ выступіў на мітынгу за незалежнасць Беларусі.
Сёння ў цэнтры Менска праходзіць акцыя, накіраваная на абарону незалежнасці і суверэнітэту Беларусі. У ёй удзельнічаюць ужо некалькі тысячаў чалавек.
Турыст з Расеі скарыстаўся свабодным мікрафонам і звярнуўся да ўдзельнікаў акцыі:
«Мяне клічуць Сяргей, я турыст, прыехаў з горада Казані. Я не ведаў, што ў вас тут адбываецца. Я пытаўся ва ўсіх, падышоў да міліцыі, спытаў, а мне сказалі: “Майдан пачынаецца”.
З нагоды інтэграцыі: не трэба гэта беларускаму народу ад слова зусім, ніякіх пераваг не будзе – а мінусаў будзе шмат».
У канцы выступу расеец заклікаў вызваліць палітвязняў.