На фоне масавых пратэстаў у Менску Лукашэнка прыбыў у Сочы на сустрэчу з Пуціным

Борт з дыктатарам прызямліўся ў аэрапорце расейскага горада.

Лукашэнка прыляцеў у Сочы, паведамляе tut.by тэлеканал СТБ.

Вядома, што пасля абеду ў Сочы Лукашэнка сустрэнецца з прэзідэнтам Расеі Уладзімірам Пуціным. Кіраўнікі павінны абмеркаваць надзённыя пытанні двухбаковых стасункаў, а пазней падпісаць «дарожныя карты» паглыбленай інтэграцыі ў «саюзнай дзяржаве».

Сёння ў цэнтры Менска праходзіць акцыя, накіраваная на абарону незалежнасці і суверэнітэту Беларусі. У ёй удзельнічаюць ужо некалькі тысячаў чалавек.