«Нафтагаз» гатовы атрымліваць газам $3 мільярды завінавачанасці ад «Газпрама»

Вынікі перамоў аб транзіце газу з 2020 года.

НАК "Нафтагаз Украіны" заявіў пра гатоўнасць атрымліваць газ з Расеі ў залік кампенсацыі 3 мільярды грыўняў завінавачанасці "Газпрама" паводле пастановы Стакгольмскага арбітражу.

Пра гэта напісаў у Facebook выканаўчы дырэктар Нацыянальнай акцыянернай кампаніі "Нафтагаз Украіны" Юрый Вітрэнка, заявіўшы, што "Нафтагаз" правёў чарговыя перамовы з "Газпрамам"аб транзіце газу з 2020 года, піша unian.net.

"Закончылі чарговы раўнд перамоў з "Газпрамам" у кантэксце трохбаковых перамоў аб транзіце газу", - напісаў ён.

Са слоў Вітрэнкі, Еўрапейская камісія папрасіла стораны абмеркаваць урэгуляванне пытанняў мінулага і бягучага Стакгольмскага арбітражу, бо "Газпрам" уключыў гэта ў "пакет" для перамоў аб транзіце.

"Менавіта гэта мы і зрабілі. Наша пазіцыя ў гэтым пытанні публічная. Каб прадэманстраваць сваю канструктыўнасць, мы сказалі, што мы гатовыя разглядаць магчымасць атрымаць газ ад "Газпрама" ў залік кампенсацыі запазычанасці паводле пастановы мінулага Стакгольмскага арбітражу (3 мільярды даляраў)", - адзначыў ён.

Вітрэнка заявіў, што Украіна таксама гатова адклікаць свой пазоў у новым арбітражы, калі з "Газпрамам" будзе ўкладзены доўгатэрміновы кантракт на транзіт расейскага газу праз нашу краіну пасля 2020 года.

"Мы таксама гатовыя адклікаць свае пазоўныя патрабаванні ў новым арбітражы, але толькі калі будзе ўкладзены доўгатэрміновы кантракт на транзіт, які будзе кампенсаваць усе выдаткі, і, калі "Нафтагазу" будзе кампенсавана невыкананне "Газпрамам" сваіх абавязанняў за цяперашнія кантракты", - адзначыў ён.

Топ-мэнэджар "Нафтагаза" падкрэсліў, што краіна займае канструктыўную пазіцыю, згодна з рэкамендацыяй еўрапейскага боку.

"І тут, як вы самі бачыце, у нас таксама канструктыўная пазіцыя - кампенсуйце выдаткі, нават без эканамічных прыбыткаў, і мы не будзем судзіцца. Цяпер мы гатовыя вяртацца на трохбаковыя перамовы і распавядаць еўрапейцам, як мы добрасумленна абмяркоўвалі гэтыя пытанні", - растлумачыў ён.

У каментарах да размешчаным допісу Вітрэнка адмовіўся каментаваць рэакцыю "Газпрама" на агучаную прапанову "Нафтагаза".

"Мы не каментуем іх пазіцыю", - падкрэсліў ён.