Бразілія можа пазбавіцца права голасу ў ААН
2- 6.12.2019, 16:54
- 7,258
Краіна два гады не плаціць у бюджэт ААН.
Бразілія можа пазбавіцца права голасу ў Генеральнай Асамблеі Арганізацыі Аб'яднаных Нацый праз двухгадовую затрымку выплат у яе рэгулярны бюджэт, піша finanz.ru.
Пра гэта заявіў афіцыйны прадстаўнік генеральнага сакратара ААН Стэфан Дзюжарык.
"Мы працягваем кантакты з прадстаўнікамі Бразіліі з нагоды іх унёску", - сказаў ён.
Пры гэтым Дзюжарык адзначыў, што 19 артыкул Статута ААН "выразна кажа аб магчымасці прыпынення права голасу" у такім выпадку. Адпаведны артыкул абвяшчае, што "чалец арганізацыі пазбаўляецца права голасу ў Генеральнай Асамблеі, калі сума яго запазычанасці роўная або перавышае суму ўнёскаў, за два поўныя папярэднія гады".
У кастрычніку генеральны сакратар ААН Антонію Гутэрыш абвясціў пра фінансавы крызіс у ААН і ўвёў у штаб-кватэры меры жорсткай эканоміі. У тым ліку быў абмежавана час пасяджэнняў Генеральнай асамблеі і Рады бяспекі, выключаныя некалькі эскалатараў і нават фантан перад будынкам штаб-кватэры ў Нью-Ёрку.