Змена Качанавай азначае поўны правал «парламенцкіх выбараў»

Хаваць непапулярнасць Лукашэнкі ў народзе ўжо проста немагчыма.

Лукашэнка замяніў кіраўніцу сваёй адміністрацыі Наталлю Качанаву на генерал-маёра, першага намесніка старшыні КДБ Беларусі Ігара Сяргеенку.

Што азначае гэтая кадравая перастаноўка? Сітуацыю для Charter97.org пракаментаваў каардынатар грамадзянскай кампаніі «Еўрапейская Беларусь» Зміцер Бандарэнка.

– Чаму дыктатар пайшоў на такое кадравае прызначэнне менавіта цяпер?

– Хачу дадаць, што Лукашэнка, акрамя Качанавай, замяніў і першага намесніка кіраўніка сваёй адміністрацыі, і гэта азначае адно: папярэдняя група кіраўнікоў проста правалілася.

Адметна, што Лукашэнка надзімаў шчокі, выступаючы перад новымі прызначанымі «палатачнікамі», апавядаючы пра вялікія «поспехі», і адначасова адправіў у адстаўку кіраўнікоў сваёй адміністрацыі.

Гэта азначае толькі тое, што на самай справе яны правалілі так званую «парламенцкую кампанію» і хаваць непапулярнасць Лукашэнкі ў народзе ўжо проста немагчыма.

І тут дарэчная вечная цытата з Ільфа і Пятрова: «Шура, пілуйце гіры!» Лукашэнка спрабуе адтэрмінаваць свой сыход, але ўсім абсалютна зразумела, што яму даўно час сыходзіць, таму што інакш беларусы проста выганяць яго сілай.

– Чаго чакаць ад новай адміністрацыі Лукашэнкі, беручы да ўвагі неадназначны бэкграўнд Ігара Сяргеенкі?

– Гэта не першы сілавік нават на гэтай пасадзе. Сённяшні так званы «ліберал» Уладзімір Макей – таксама выхадзец з сілавых структураў.

Лукашэнка хоць неяк адчувае сябе ў бяспецы, менавіта калі вакол яго знаходзяцца людзі ў пагонах, асабіста яму адданыя. І ён менавіта на іх робіць стаўку і менавіта праз гэтыя прызначэнні Беларусь сёння з'яўляецца практычна самай адсталай краінай у Еўропе. Гэтыя людзі – не кампетэнтныя, яны могуць толькі загадваць, але пры гэтым яны вельмі слаба падрыхтаваныя і не могуць кіраваць сучаснымі метадамі, якія неабходныя ў 21-м стагоддзі.

Таму мы і маем такія правалы ў спорце, дзе большасць кіраўнікоў спартовых федэрацый – таксама людзі «ў анучах», правалы ў эканоміцы, правалы ў тэхналагічнай сферы.

Так, можна гэтых дзяржымордаў некуды ставіць, але выніку на самай справе ніякага не будзе. На гэтую тэму выдатна выказалася актывістка «Еўрапейскай Беларусі» Паліна Шарэнда-Панасюк: «Час прыбіраць гэтага мезазойскага яшчара» – і ўсіх гэтых дыназаўрыкаў, якія яго атачаюць.

– Гісторыя вучыць, што стаўка на сілавікоў часта гуляе злы жарт з кіраўнікамі. Ды і ў Беларусі зусім нядаўна мела месца гучная справа Уцюрына, звязаная з змовай супраць Лукашэнкі і ягонай сям'і. Ці ёсць рызыкі для дыктатара, звязаныя са спадзяваннем на сілавікоў у апараце?

– Напэўна, можна зрабіць сёння прагноз, што менавіта гэтыя людзі ў пагонах урэшце Лукашэнку і ліквідуюць. З самых розных прычынаў: і праз сваю ідэалагічную блізкасць да Масквы, і праз тое, што на самай справе няма іншых людзей у атачэнні Лукашэнкі, за выняткам толькі такіх пераспелых фруктаў, як, напрыклад, Міхаіл Мясніковіч, які дастаўся яму ад старой улады.

Лукашэнка атачае сябе такімі людзьмі, паколькі для яго гэта варыянт псіхатэрапіі, але ўрэшце гэтыя людзі яго і прыбяруць – калі стане ясна, што для іх гэта адзіны выхад.

Але самае галоўнае: усе гэтыя перастаноўкі паказваюць страшную архаічнасць сістэмы Лукашэнкі, і беларусы павінны зразумець, што немагчыма ўвесь час знаходзіцца ў закладніках у псіхічна неадэкватнага кіраўніка і ягоных некампетэнтных кадраў.

Каб жыць лепш, жыць па-еўрапейску, трэба і ў палітыцы быць еўрапейцамі і разумець, што свае правы трэба адстойваць – у тым ліку і на вуліцы.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]