У пятніцу ў Беларусі чакаецца да +4

Істотных ападкаў не прагназуецца.

6 снежня ў Беларусі чакаецца пераменная воблачнасць, паведамляе Белгідрамет.

Істотных ападкаў не прагназуецца, толькі ўдзень месцамі па поўначы краіны невялікія ападкі, пераважна дождж. Па паўночным усходзе краіны на асобных участках дарог будзе галалёдзіца. Вецер чакаецца паўднёва-заходні парывісты, удзень - месцамі да моцнага.

Уначы тэмпература паветра будзе ад 0 да 6 градусаў марозу. Удзень сіноптыкі прагназуюць -1... +4.