Беларускім таксістам прыходзяць дзіўныя паведамленні

Гэта чуткі або праўда?

З некалькіх крыніцаў у рэдакцыю onliner.by паступілі скрыншоты з адным і тым жа тэкстам. У ім сцвярджаецца, што «Яндекс.Такси» з 1 студзеня 2020 года спыняе працу на тэрыторыі Беларусі. Адпраўнік дзякуе за супрацоўніцтва і зычыць поспехаў у працы. Паведамленні прыходзяць кіроўцам цягам апошніх двух дзён – 3 і 4 снежня – з дапамогай SMS. Мы надумалі высветліць, што адбываецца, у самой службе.

Адзначым, раней не было ніякіх афіцыйных заяваў пра заканчэнні працы прыкладання або юрыдычнай асобы «Электронная інфармацыйная сістэма "Яндекс.Такси"». А сёння прыходзяць такія паведамленні! Выглядае, мякка сказаць, падазрона.

Журналісты звярнуліся ў Маскву, у прэс-службу «Яндекс.Такси», каб зразумець, наколькі тэкст паведамлення адпавядаюць праўдзе. «Як гэта спыняем працу? Мы сёлета ўласнае страхаванне і замову машыны з дзіцячым крэслам запусцілі. І 20 гарадоў так проста не спыніш, – адзначылі там. – Гэтае СМС не мае дачынення да «Яндекс.Такси». Прыгледзьцеся да выявы: два паведамленні не супадаюць ні ў шырыні, ні ў шрыфце».