З пачатку года пазыкі беларусаў перад банкамі выраслі амаль на $1 мільярд
12- 2.12.2019, 14:00
- 10,065
У адсотках рост склаў 14,7%.
Запазычанасць беларусаў па крэдытах на 1 лістапада склала Br 13,6 млрд, або $6,5 млрд. Пра гэта сведчаць звесткі Нацыянальнага банка, піша сайт тэлеканала «Белсат».
У параўнанні з 1 студзеня запазычанасць грамадзян краіны вырасла на Br 2 млрд, або на $965,4 млн. У адсотках рост склаў 14,7%.
Запазычанасць па крэдытах на фінансаванне нерухомасці дасягнула Br 8,24 млрд, павялічыўшыся за 2019 год на Br 1,02 млрд, або на 14,2%.
Запазычанасць па спажывецкіх крэдытах склала Br 5,36 млрд, што на 22,3%, або на Br 977,4 млн больш у параўнанні з пачаткам года.