Дэдалярызацыя ў Расеі зазнала няўдачу
11- 2.12.2019, 12:54
- 16,636
І як тут не ўспомніць гісторыю з «золатам партыі».
Пакуль з экранаў зомба-скрыняў да расейцаў даносяцца Салаўёвыя пошчакі пра тое, што краіна ідзе па шляху дэдалярызацыі, і што гэта вельмі важна і выгадна, вядучыя манаполіі, у тым ліку, якія маюць і дырэктыўную падтрымку з боку дзяржавы, насупраць толькі назапашваюць даляравы складнік у сваім ашчадку, піша Telegram-канал "Запретное мнение".
Напрыклад, рады дырэктараў "ЛУКОЙЛа" адмовілася ад укладанняў у рублі і сістэматычна пералічвае рублёвы складнік у даляры, паменшыўшы іх дзель з 201 да 61,9 млрд рублёў. Дзель жа даляраў павялічылася з $3,77 млрд да $ 5,55 млрд.
Прычым гэта далёка не адзіны прыклад таго, як сродкі РФ пераводзяцца ў даляры ва ўмовах напускной прапагандысцкай дэдалярызацыі.
Так, назапашаны за студзень-верасень прафіцыт федэральнага бюджэту на 2,986 трыльёна рублёў, стаў вынікам высокіх коштаў на нафту, накіраваных не на падтрымку суб'ектаў федэрацыі, якія зазнаюць у большасці сваёй дэфіцыт бюджэтаў, а на скупку валюты на 2,3 трлн расейскіх рублёў.
Алею ў агонь дадае айчынны Мінфін, які толькі за кастрычнік скупіў з валютнага рынку больш за $4 млрд, пра прафіцыт бягучага рахунку аплатнага балансу РФ блізу $2,75 млрд на месяц.
Праз брак свабоднай валютнай масы на ўнутраным рынку РФ, у жніўні ліквідныя актывы банкаўскай сістэмы РФ, размешчаныя на замежных рахунках, зменшыліся на $6,4 мільярда, або 35% ад агульнай сумы, з $18,5 млрд да $12,1 млрд.
Такім чынам, можна наглядна назіраць за тым, як РФ, распаўсюджвала міф аб глабальнай дэдалярызацыі, і нават падбівае да гэтага сваіх "братоў", напраўду напаўняе свае рэзервы менавіта даляравым складнікам.
Але, з улікам заяў Цэнтрабанка аб тым, што ў выпадку крызісу і інфляцыі ён не будзе ажыццяўляць сур'ёзных валютных інтэрвенцый, можна зрабіць выснову, што ўся гэтая даляравая маса прызначаецца зусім не для стварэння падушкі бяспекі дзяржавы.
І як тут не ўспомніць гісторыю з "золатам партыі", другая частка якой, мяркуючы па ўсім, атрымае назву - "даляры пуцінізму".