Часопіс Time назваў галоўныя прылады дзесяцігоддзя
- 15.12.2019, 20:58
- 10,019
Яны прычыніліся да культурнага зруху.
Часопіс Time назваў дзесяць самых важных прылад дзесяцігоддзя. Пра гэта паведамляе РБК-Украіна са спасылкай на сайт выдання.
Пачынае спіс iPad ад Apple, што выйшаў у 2010 годзе, які, на думку часопіса, прычыніўся да "культурнага зруху" ў разуменні персанальных кампутараў і "задаў тон" для наступных дзесяці гадоў развіцця партатыўных прылад.
Далей у спісе - Tesla Model S (2012 год), які змяніў "траекторыю развіцця аўтамабільнай прамысловасці" і "меркаванне, што электрамабілі не могуць быць файнымі".
Затым ідзе аднаплатавы кампутар Raspberry Pi, выраблены ў 2012-м годзе для навучання школьнікаў праграмаванню, пазней ён стаў базай для метэастанцый, гульнявых кансоляў ды іншых прылад, якія можна зрабіць самому.
Таксама ў спіс Time ўвайшлі Apple Watch, разумная калонка Amazon Echo з галасавым памочнікам Alexa, гульнявая кансоль Nintendo Switch, а таксама адапцыйны кантролер для Xbox.
Кампанія Apple плануе выдаць у 2020 годзе пяць новых мадэляў iPhone. У першай палове 2020 года плануюць вырабіць iPhone SE 2 з 4,7-цалевым ВК-дысплеем. Пасля чакаецца выхад лінейкі з мадэляў iPhone 12 з 5,4-цалевым, двух з 6,1-цалевым і 6,7-цалевым экранам, якія будуць падтрымліваць 5G з мадэмам Qualcomm X55.
