Краіна для жыцця

Засталося толькі зразумець, якая з гэтых дзвюх краінаў – для жыцця?

На адной фатаграфіі чальцы ўрада Фінляндыі. На іншых чальцы таксама. Але Беларусі. Адным да пенсіі палова жыцця, а іншыя даўно на ёй, але сыходзіць не хочуць. Нас жа задавальняе моль і нафталін?

Такім чынам, новы ўрад Фінляндыі. Злева направа: міністарка адукацыі Лі Андэрсан – 32 гады, міністарка фінансаў Катры Кулмуні – 32 гады, прэм'ер-міністарка Сана Марын – 34 гады, міністарка ўнутраных справаў Марыя Ахісала – 34 гады.

І так. Фінляндыя ўважаецца адной з найлепшых краінаў для жыцця ў свеце! Пазіцыі лідаркі. І маладосць урада не страшыць. Дарогу маладым.

І Беларусь. Кожны дзень з экранаў ТБ, ва ўсіх СМІ, з бігбордаў на вуліцах краіны – вакол нам нагадваюць і кажуць, што гэта краіна для жыцця. Але. З краіны ўсе ўцякаюць і ўцякаюць у розныя бакі ўсе, пакуль ногі носяць.

Нас усё менш і менш, а нам усё пра краіну для жыцця уціраюць. З Драздоў і розных там Эміратаў. Хутка ў краіне ўвогуле не будзе ніводнага апарата МРТ для людзей, у той час як у Фінляндыі яны амаль у кожнай ветклініцы. Для жывёлаў. І яны пра гэта не крычаць на кожным павароце. Яны жывуць і робяць! Без піяру і істэрык.

Ну, і на фотках трошку чальцоў нашага ўрада. Уключаючы і міністра адукацыі Карпенку. Так, для параўнання. Нічога асабістага. Ах, ён жа яшчэ і чалец КПБ. Ну, партыі камуністычнай. У гэтым жа духу і выхоўвае. А як жа інакш?

Якія адухоўленыя і ўсмешлівыя твары. Якая накіраванасць погляду наперад! А і праўда – проста краіна для жыцця. Толькі вось чыйго?

Не ведаю аднаго. А чаго так усміхаюцца гэтыя чальцы ўрада Фінляндыі? Яны што, жыццём задаволеныя? Трэба думаць – як нашы. Тады і ўсмешкі сыдуць на нішто. Разумееш ты!

І тут жа наўздагон ляцяць словы грамадзяніна Лукашэнкі:

– Гэта амаль як у мяне. З раніцы напаскудзяць так... Пасля дакладаў міністраў жыць не хочацца. Да абеду нібыта якое сонца здалося з-за хмараў. Увечары – назад. Потым ноч не спіш.

А і праўда! Зірнеш на ўсё гэта і гэтых чальцоў на чале з «лідарам» – і жыць не хочацца!

Аднак. Не дачакаецеся. Мы жылі і будзем жыць! Як бы вы ні крывіліся і што ні рабілі. На злосць! Але будзем! І ўсміхацца будзем.

Віктар Гарбачоў, Фэйсбук