Няўзораў: Беларусы зладзілі чароўную бузу ў Мінску

Беларусь справядліва ўспрымае стасункі з РФ як велізарнае гора і гарантыю будучага жаху і нявыкруткі.

Расейскі публіцыст Аляксандр Няўзораў пракаментаваў у эфіры «Эхо Москвы» пратэсты ў Менску падчас перамоў Лукашэнкі і Пуціна ў Сочы.

- Не хапала шчырасці ў гэтых перамовах (Пуціна і Лукашэнкі ў Сочы - заўв. Сharter97.org). Праўда, яе адсутнасць кампенсавалі ў самім Менску, дзе неадкладна зладзілі чароўную буяную бузу, вельмі пазітыўныя пагромы і цэлую смуту. Таму што любое, самае ілюзорнае пацяпленне адносін з Расеяй Беларусь справядліва ўспрымае як велізарнае гора і як гарантыю будучага жаху і нявыкруткі. Яны (беларусы - заўв.) вельмі праніклівыя, хоць шмат розуму для ўсведамлення такіх простых рэчаў, як мне здаецца, не трэба. Яны ведаюць, што любы «інтым» з Расеяй небяспечны, - іранізуе Няўзораў у эфіры «Эхо Москвы».