29 сакавiка 2024, Пятніца, 16:32
Падтрымайце
сайт
Сім сім,
Хартыя 97!
Рубрыкі

На першым блоку БелАЭС пачалася гарачая абкатка рэактарнай устаноўкі

15
На першым блоку БелАЭС пачалася гарачая абкатка рэактарнай устаноўкі

Гэты працэс папярэднічае запуску энэргаблока.

На першым энэргаблоку Беларускай АЭС спецыялісты пачалі самы маштабны этап пусканаладачных працаў перад пачаткам фізічнага пуску – гарачую абкатку рэактарнай устаноўкі, паведамляецца ў прэс-рэлізе «Расатама», піша tut.by.

Паводле словаў віцэ-прэзідэнта-дырэктара праекта ва ўзвядзенні Беларускай АЭС АТ ІЧ «АСЭ» (інжынірынгавае падраздзяленне «Расатама») Віталя Паляніна, гарачая абкатка – гэта тэхналагічны працэс, які імітуе працу энэргаблока з той толькі розніцай, што замест сапраўдных у рэактар загружаныя імітатары цеплавылучальных зборак.

У ходзе гарачай абкаткі спецыялісты правераць працаздольнасць асноўнага абсталявання энэргаблока на адпаведнасць патрабаванням эксплуатацыі і бяспекі. Яны таксама апрабуюць сістэмы абароны першага і другога контуру ад перавышэння ціску і правядуць выпрабаванні працы галоўных цыркуляцыйных помпаў на халодных і гарачых параметрах рэактарнай устаноўкі. Акрамя таго, у праграму выпрабаванняў уваходзіць праверка сістэмы электрасілкавання ўласных патрэбаў пры рэжымах перапынення, поўнага абясточвання энэргаблока з мадэляваннем сітуацыі максімальнай праектнай аварыі.

«Мы выйшлі на фінішную прамую праграмы падрыхтоўкі энэргаблока да фізпуску, – адзначыў Палянін. – Наступны этап пасля заканчэння гарачай абкаткі, у адпаведнасці з планам падрыхтоўкі энэргаблока да фізічнага пуску, – рэвізія асноўнага і дапаможнага абсталявання першага і другога контураў энэргаблока».

Пуск першага энэргаблока пазначаны на студзень. Раней планавалася, што першы блок БелАЭС запрацуе ў 2018 годзе. Але праз тое, што Беларусь пастанавіла замяніць корпус рэактара праз інцыдэнт, тэрміны перанеслі на 2019 г.

Беларуская АЭС у Астраўцы будуецца паводле расейскага праекту, на будаўніцтва таксама быў вылучаны Расеяй экспартны крэдыт памерам да 10 млрд даляраў.

Пра небяспеку БелАЭС, шматлікія аварыі і парушэнні падчас будаўніцтва, карупцыйныя схемы і тэхнічныя недахопы рэактараў і абсталявання, якое пастаўляецца «Расатамам», неаднаразова паведамлялі беларускія і замежныя эксперты-ядзернікі і экалагічныя актывісты. Падчас будаўніцтва праз парушэнні тэхнікі бяспекі загінулі некалькі чалавек, двойчы быў пашкоджаны рэактар – падчас мантажу і транспартавання. Збунтаваныя праз затрымкі заробкаў працоўныя таксама заявілі пра шматлікія выпадкі халатнасці пры будаўніцтве.

Закрыццё БелАЭС стала адным з галоўных патрабаванняў грамадзянскай кампаніі «Еўрапейская Беларусь» і яе кандыдатаў на «парламенцкіх выбарах».

Фільм-расследаванне Studio Х97 «Астравец смерці» пралівае святло на невядомыя факты ў будаўніцтве БелАЭС.

Напісаць каментар 15

Таксама сачыце за акаўнтамі Charter97.org у сацыяльных сетках