Трамп стаў самым абмяркоўваным палітыкам у Twitter за 2019 год

Прэзідэнт ЗША атрымаў пальму першынства ў гэтай сацыяльнай сетцы.

Самы папулярны твіт 2019-га года напісаў японскі мільярдэр і калекцыянер мастацтва Юсаку Маэдзава, вынікае з вынікаў года, якія падвяла адміністрацыя сацыяльнай сеткі Twitter, паведамляе "Радыё Свабода".

5 студзеня Маэдзава абвясціў розыгрыш мільёна даляраў. Для гэтага трэба было падпісацца на мільярдэра і размясціць яго твіт на сваёй старонцы. Японец паабяцаў з дапамогай лёсавання выбраць сотню чалавек, якія выканалі яго ўмовы, і ўручыць кожнаму з іх па 10 тысяч даляраў. На сёння паведамленне Маэдзавы рэтвітнулі амаль 4 з паловай мільёны разоў.

У спіс самых папулярных допісаў з найбольшай колькасцю рэтвітаў патрапілі таксама хатняе відэа ўдзельніка карэйскага поп-гурта BTS, зашыфраванае пасланне Лэдзі Гагі, а таксама выява звычайнага курынага яйка, якое прапаноўвалася размясціць усім карыстальнікам твітэра на сваіх старонках, каб пабіць сусветны рэкорд у рэтвітах.

Самым абмяркоўваным фільмам у твітэры ў 2019 годзе стаў блокбастар "Мсціўцы: Фінал", самым абмяркоўваным акторам - Том Холанд, а палітыкам - прэзідэнт ЗША Дональд Трамп.