Марцэл Лічка: БАТЭ, «Шахцёр», «Дынама» Менск і Берасце атрымалі поспех бы ў чэмпіянаце Польшчы
3- 8.11.2019, 15:22
- 9,729
Галоўны трэнер берасцейцаў ацаніў узровень беларускага чэмпіянату.
Галоўны трэнер берасцейскага «Дынама» Марцэл Лічка мяркуе, што некаторыя беларускія клубы здольныя годна выступаць у чэмпіянаце Польшчы, піша «Трыбуна» са спасылкай на radomsport.pl.
- Вы ўзначальваеце табліцу чэмпіянату Беларусі за 3 туры да канца. У чым сакрэт поспеху?
- Мы выдатна гулялі ўвесь сезон, змаглі захаваць стабільную форму. Важна, што мы забіваем шмат мячоў. У гульнях дома ў нас у сярэднім больш за 3 галы за матч. Але гэта не толькі мая заслуга. У нас вельмі добры персанал, памочнікі і, перш за ўсё, футбалісты. Важна, што ў камандзе шмат беларусаў з вялікім замежным досведам. Мяпкую, што ў гэтым сезоне мы заслужана мацнейшыя за БАТЭ, «Шахцёра» і менскае «Дынама».
- На думку польскіх фанатаў, БАТЭ з'яўляецца самай моцнай камандай у Беларусі і ў плане гульні і ў плане фінансаў. Але вы блізкія, каб перапыніць іх дамінаванне.
- БАТЭ - моцная каманда і добры клуб. Я не ведаю іх дакладны бюджэт, але ў фінансавым плане ў Беларусі вылучаюцца БАТЭ, «Шахцёр», «Дынама» Менск і мы. Гэтыя чатыры каманды паказваюць высокі футбольны ўзровень.
- Які ўзровень беларускай лігі? Нядаўна БАТЭ выбіў «Пяст» з Лігі чэмпіёнаў.
- У невялікіх клубаў часцей за ўсё сціплы бюджэт. Іх шанец - праца з моладдзю, якую можна прадаць. Гэтыя каманды часта гуляюць у абарончы футбол, таму ў іх бываюць праблемы з атакай.
Чатыры клубы, якія я называў, дастаткова моцныя. Думаю, гэтыя каманды атрымалі поспех бы ў чэмпіянаце Польшчы, - сказаў Лічка.