У якіх еўрапейскіх краінах больш за ўсё шчаслівых людзей?
- 8.11.2019, 12:23
- 7,100
Новы «рэйтынг шчасця» ад Еўрастата.
Найбольшая колькасць шчаслівых людзей у ЕЗ жывуць у Бельгіі, Нідэрландах, Аўстрыі і Фінляндыі, гаворыцца ў апытанні, апублікаваным у чацвер Еўрастатам. Апытанні праводзіліся ў 2018 годзе, але іх дакладныя тэрміны правядзення і колькасць удзельнікаў у даследаванні не пазначаныя, піша «Інтэрфакс».
У ходзе даследавання сацыёлагі задавалі рэспандэнтам наступнае пытанне: «Ці адчувалі вы сябе шчаслівымі цягам апошніх чатырох тыдняў?»
Так, згодна з статыстычнай службай Еўразвязу, 76% жыхароў гэтых чатырох еўрапейскіх краінаў заяўлялі, што адчувалі сябе шчаслівымі цягам апошніх некалькіх тыдняў да правядзення апытанняў. За імі ідуць Люксембург (74%), Гішпанія (72%) і Данія (70%).
У ТОП-10 самых шчаслівых краінаў ЕЗ паводле колькасці людзей, якія мяркуюць сябе шчаслівымі, таксама патрапілі Польшча, Францыя і Нямеччына.
Менш за ўсё шчаслівых людзей налічваецца ў Літве, Харватыі, Балгарыі і Латвіі.
Акрамя таго, звесткі Еўрастата паказваюць, што ў агульнай колькасці ў ЕЗ жывуць 62% людзей, якія называюць сябе шчаслівымі. У параўнанні з 2013 годам гэты паказнік вырас на 2 адсоткавыя пункты.
Між тым бельгійскі тэлеканал RTBF не без некаторага здзіўлення і гумару пракаментаваў «рэйтынг шчасця» грамадзянаў ЕЗ.
Тэлеканал прывёў на гэтую «анекдатычную», як ён вызначыў, статыстыку, рэакцыю палітычнай партыі «Адкрытыя фламандскія лібералы і дэмакраты» (Open VLD), якая ў сваім твітэры напісала: «Мы прывыклі скардзіцца, і не ўсе цалкам. Але, у канчатковым рахунку, не ўсё так ужо дрэнна тут».