Навукоўцам выпадкова атрымалася стварыць імітацыю Вялікага выбуху
4- 7.11.2019, 21:19
- 14,165
Даследчыкі займаліся вывучэннем звышгукавых рухавікоў.
Навукоўцы з Універсітэта Цэнтральнай Фларыды заявілі пра тое, што ім атрымалася стварыць у лабараторыі імітацыю Вялікага выбуху. Зрэшты, гэта выйшла ў іх зусім выпадкова, паведамляе zn.ua cа спасылкай на «Популярную механику».
У ходзе даследавання навукоўцы тэставалі метады вытворчасці гіпергукавога рэактыўнага рухавіка. Яны са здзіўленнем зразумелі, што пасіўнае полымя можа паскарацца і нават выбухаць самастойна.
«Мы сутыкнуліся з нетыповым і вельмі цікавым механізмам працякання рэакцыі. Калі мы пачалі капаць глыбей, то зразумелі, што ён можа быць звязаны нават з такой старажытнай падзеяй, як нараджэнне Сусвету», - заявіў вядучы аўтар даследавання Карым Ахмед.
Са слоў навукоўцаў, турбулентнасць можа прывесці да таго, што пасіўнае полымя можа самастойна паскорыцца і ў перспектыве нават выбухнуць. Для эксперыменту даследчыкі стварылі трубку памерам пяць на пяць сантыметраў, якая і стварала турбулентнасць. Гэта і дапамагло ім узнавіць Вялікі выбух, хоць і малюсенькі.