Карткі некаторых банкаў у гэтую суботу могуць працаваць з перабоямі

Перабоі ў працы некаторых банкаў магчымыя ў ноч з пятніцы на суботу з 02.00 да 06.00.

У працы некаторых банкаўскіх картак уначы 23 лістапада могуць быць перабоі. Прычына - тэхналагічныя работы, якія будзе праводзіць Банкаўскі працэсінгавы цэнтр. Часовыя перабоі ў працы картак некаторых банкаў магчымыя ў ноч з пятніцы на суботу з 02.00 да 06.00, паведамляе tut.by.

«У названы прамежак часу магчымыя таксама кароткачасовыя перапынкі ў абслугоўванні трымальнікаў картак банкаў у сеткі арганізацый гандлю і сэрвісу (крамы, АЗС і да т.п.), пунктах выдачы наяўных, самаабслугоўвання, банкаматах, абслугоўванне якіх забяспечвае ААТ «Банкаўскі працэсінгавы цэнтр», - паведамляе Беларусбанк.

Банкаўскі працэсінгавы цэнтр аказвае паслугі інфармацыйна-тэхналагічнага забеспячэння разлікаў з выкарыстаннем банкаўскіх картак наступным банкам: АСБ Беларусбанк, Белаграпрамбанк, БПС-Ашчадбанк, БСБ Банк, Парытэтбанк, Белінвестбанк, БНБ-Банк, Банк Рашэнне, Франсабанк, Цептэрбанк, БТА Банк.