У Заводскім раёне Менска прызначылі «старшых» над дварамі
66- 21.11.2019, 12:56
- 42,493
Чым яны будуць займацца?
У Менску з'явілася незвычайная пасада - старэйшы двара. Выпрабуюць новаўвядзенне ў Заводскім раёне, там 26 жыхароў атрымалі пасведчанні, распавядае агенцтва «Мінск-Навіны».
У адміністрацыі Заводскага раёна жыхарам выдалі пасведчанні старэйшага двара.
Гэтыя людзі будуць дапамагаць хутчэй даносіць праблемы жыхароў уладам. У іх будзе група ў вайберы для сувязі з раённым кіраўніцтвам.
У адмысловым дакуменце сказана, што старшы двара можа выходзіць з прапановамі аб тэхабслугоўванні дамоў, кантраляваць прыборку пад'ездаў (і не толькі), захаванне санітарных нормаў, правілаў утрымання хатніх жывёл. Такі чалавек мае права ўзгадняць акты прыёмкі работ у пад'ездзе, інфармаваць насельніцтва аб пастановах раённай адміністрацыі, ЖКГ і ЖЭУ, вывучаць грамадскую думку і патрэбы жыхароў.
Пакуль старшымі двара сталі 26 чалавек, але ў Заводскім раёне плануюць, што іх можа быць да двухсот.