Трамп сумняваецца ў неабходнасці гандлёвай угоды з Кітаем
1- 20.11.2019, 21:54
- 7,663
ЗША і Кітай працягваюць весці перамовы.
Прэзідэнт ЗША Дональд Трамп заявіў, што не ўпэўнены ў неабходнасці падпісання гандлёвага пагаднення з Кітаем. Пра гэта паведамляе rbc.ua са спасылкай на Reuters.
Са слоў Трампа, на гэты момант ЗША і Кітай працягваюць перамовы адносна гандлёвага пагаднення. Пры гэтым ён адзначыў, што яго задавальняе цяперашняя сітуацыя, без гандлёвай угоды.
«Мы працягваем гаварыць з Кітаем. Кітай хоча заключыць угоду. Пытанне хачу я заключыць угоду? Таму што мне падабаецца тое, што адбываецца цяпер», - сказаў Трамп.
Нагадаем, частку гандлёвага пагаднення паміж ЗША і Кітаем планавалі падпісаць 13 лістапада, аднак падпісанне ўгоды сарвалася праз скасаванне саміту Азіяцка-Ціхаакіянскага эканамічнага супрацоўніцтва (АЦЭС). Пры гэтым у ЗША не выключалі магчымасці, што ўгода не будзе падпісаная зусім.