«Стрэліў у сябе і памёр»: сталі вядомыя падрабязнасці аб НЗ у Мазырскім памежным атрадзе
8- 20.11.2019, 13:26
- 24,056
Вайсковец меў падтрымку камандавання часткі.
Тэлеграм-канал «ЧП Беларусь» апублікаваў падрабязнасці пра самагубства жаўнера ў Мазырскім памежным атрадзе:
«Салдат тэрміновай службы Мазырскага памежнага атрада стрэліў у сябе і памёр.
Сёння ўночы ў Мазырскім памежным атрадзе было знойдзена цела салдата тэрміновай службы з прыкметамі суіцыду
- Яфрэйтар тэрміновай службы 1999 года нараджэння быў прызваны ў органы памежнай службы ў лістападзе 2018 года. Характарызаваўся станоўча. Меў заахвочванні ад камандавання часткі, у тым ліку падзяку за разумную ініцыятыву і стараннасць, праяўленыя падчас нясенні службы, смелыя дзеянні па выяўленні і затрыманні парушальніка мяжы, а таксама высокія паказчыкі ў службе за трэці квартал 2019 года. Пасля тэрміновай вайсковай службы планаваў застацца на вайсковую службу паводле кантракту. У лістападзе прыбыў з асноўнага адпачынку, які праводзіў дома, - паведамляе ўстанова. - Дзяржаўны памежны камітэт спачувае ягоным родным і блізкім.
Расследаваннем здарэння займаецца Следчы камітэт Беларусі, які ўстанаўлівае прычыны і абставіны трагедыі».