Відэафакт: Расейскую тэхніку ў Сірыі закідалі кактэйлямі Молатава
6- 19.11.2019, 14:43
- 31,952
Так курды сустрэлі вайсковы патруль РФ.
У Сірыі курды закідалі камянямі і бутэлькамі з запальнай сумессю бронеаўтамабіль «Тайфун» расейскіх акупантаў.
Пра гэта паведамляе турэцкае агенцтва Eha Media і публікуе відэазапіс інцыдэнту, піша sprotyv.info.
Інцыдэнт адбыўся падчас патрулявання расейскіх войскаў у раёне Айн-эль-Араб (арабская назва курдскай Кабані) на поўначы Сірыі. На кадрах відаць, як да бронеаўтамабіля падбягае група моладзі і кідае ў машыну бутэлькі. Бронеаўтамабіль загараецца і пачынае ад'язджаць, а нападнікі гоняцца за ім і кідаюць камяні.
Suriye Ayn el Arab'da ( Kobani) devriye atan Türk & Rus askeri konvoyuna PKK terör örgütü destekçileri taş ve molotof ile saldırdı.
— EHA MEDYA (@eha_medya) 18 ноября 2019 г.
Molotoflu saldırıya uğrayan Rus zırhlı aracı zarar gördü. pic.twitter.com/HmKt1y1UTr
Нагадаем, як паведамляла група ІС, аб пацярпелых расейскіх акупантах не паведамляецца. Мінабароны РФ пакуль інцыдэнт не каментаваў.
У міністэрстве абароны Турцыі паведамляюць, што патруляванне праводзілі супольна турэцкія і расейскія вайскоўцы. У ім былі задзейнічаныя чатыры аўто.
Паводле інфармацыі мясцовых СМІ, напад адбыўся пасля таго, як турэцкія вайскоўцы выкарыстоўвалі слезацечны газ супраць мясцовых жыхароў.
Нагадаем, як паведамляла група ІС, 6 лістапада на поўначы Сірыі ўжо быў такі інцыдэнт. Тады жыхары вёсак мясцовасці Кабані закідалі машыны супольнага расейска-турэцкага патрулявання камянямі і абуткам.
