У Ярмошынай задрыжалі каленкі

Сталі вядомыя рэальныя лічбы яўкі на «выбарах».

Рэальная яўка на «парламенцкіх выбарах» у Беларусі, з улікам укідаў і загонаў студэнтаў і бюджэтнікаў на датэрміновае галасаванне, склала ад 10–20%. Такія звесткі паведамляюць незалежныя назіральнікі з участкаў па ўсёй краіне.

Інфармацыю неафіцыйна пацвярджаюць і супрацоўнікі ЦВК.

«Інсайд з ЦВК. Рэальная агульная яўка ў краіне крыху большая за 20%., – піша тэлеграм-канал «Беларусь галаўнога мозгу».

Такім чынам, новапрызначаная «палатка» нават паводле факту байкоту «выбараў» з'яўляецца нелегітымнай.

Незалежныя назіральнікі апублікавалі звесткі пра рэальную яўку на «выбарах».

«Падлічылі яўку на адным з участкаў Менска. 1400 жыхароў. Прагаласавала 300. Адсотак лічыце самі», – паведаміў назіральнік.

«Калі цікава, яшчэ пра яўку. Берасце. За дзве гадзіны да закрыцця ўчастка», – паведаміў назіральнік з Брэста.

«Уручча. Менск сітуацыя ў яўцы на 19-ю такая самая, як на фота з Берасця. На аркушах 5-6 подпісаў ад сілы.

Калодзішчы. Менш за 10% яўка», – паведамілі назіральнікі з Менска і Менскага раёна.

«Менск, Першамайскі раён. Сітуацыя на 18-ю была аналагічная (10% яўкі – рэд.).

Пры мне перагарнулі некалькі старонак ведамасцяў, на кожным развароце 1-2 яўкі. Гэтак жа цікава, што ў спісах патэнцыйных выбарнікаў знайшоў сваякоў, якіх ужо шмат гадоў няма сярод жывых.

Менск. Праспект Пушкіна. Прыйшоў прыкладна ў 19-45.

Прагаласавалі 2-3 чалавекі на кожным лісце, пра якія 60% можа ісці гаворка?» – паведамляюць назіральнікі.

«Менск. 641 акруга. Сядзеў назіральнікам невылазна ўсе дні і лічыў яўку.

За датэрміновае я налічыў 91, напісалі ў пратаколе 115,

у цэлым за ўсе дні налічыў 454, напісалі 1606,

іх яўка 59.9%, рэальная 16.9%», – паведаміў назіральнік.

«Свайму кандыдату накінулі блізу 300 галасоў, беручы да ўвагі, што за ўвесь час назіральнікі налічылі 280 усяго.

Самае вясёлае з галасаваннем на доме. Асабіста хадзіў з камісіяй. Роўна 5 чалавек. Што я ўбачыў у пратаколе? 45», – паведаміў назіральнік у Менску.

«Вось вам сапраўдная яўка. Аркушы пустыя», – паведаміў назіральнік з Гомеля.