Мікалай Статкевіч: «Еўрапейская Беларусь зрабіла людзям вялікі падарунак

У Менску будзе навагодняя ялінка за паўтара месяцы да свята.

Сёння на Кастрычніцкай плошчы Менска праходзіць Сустрэча свабодных людзей. Мітынг быў анансаваны каардынатарам грамадзянскай кампаніі «Еўрапейская Беларусь» Яўгенам Афнагелем на сустрэчы падпісчыкаў папулярнага блогера NEXTA, якая прайшла ў Менску 8 лістапада. Сустрэчу свабодных людзей падтрымалі многія беларускія блогеры, грамадскія актывісты, прафсаюзныя і моладзевыя лідары.

Лідар БНК Мікалай Статкевіч пракаментаваў раптоўнае ўсталяванне ялінкі на плошчы:

- «Еўрапейская Беларусь» зрабіла беларусам вялікі падарунак. У Менску будзе навагодняя ялінка за 1,5 месяцы да свята. Вялікі дзякуй», - іранізуе Мікалай Статкевіч.

Charter97.org вядзе наўпроставую онлайн-трансляцыю сустрэчы свабодных людзей.