Чатыры гульні, створаныя беларусамі, сталі самымі папулярнымі ў свеце

Першае месца - таксама за нашымі распрацоўшчыкамі.

Аналітыкі платформы Sensor Tower склалі рэйтынг самых папулярных у свеце гіперказуальных гульняў за кастрычнік, паведамляе dev.by. У падборку патрапілі адразу чатыры (!) гульні беларускіх распрацоўшчыкаў.

Першае месца сусветнага топа заняла гульня Sand Balls. Яе стварыла беларуская студыя SayGames. Яна ж была самай папулярнай і ў верасні. За мінулы месяц у гульні - 29 мільёнаў загрузак (Andoid - 24 мільёны, iOS - пяць мiльёнаў). У Google Play у Sand Balls першае месца ў колькасці запампованняў, у App Store - другое.

На трэцім месцы яшчэ адна гульня ад SayGames - Perfect Slices. У кастрычніку карыстальнікі спампавалі яе 12 мільёнаў разоў. Чацвёртае месца - у гульні Bouncemasters, якую распрацавала беларуская студыя Playgendary. У яе таксама 12 мільёнаў загрузак. Замкнула топ-10 свету гульня Cool Goal беларуска-брытанскага распрацоўніка Gismart. У мінулым месяцы яе спампавалі восем мільёнаў разоў. У верасні Cool Goal была топ-3 самых папулярных у свеце гіперказуальных гульняў.

Колькасці: каго колькі разоў запампоўвалі (у мільёнах раз)

1) Sand Balls - за 29 млн раз;

2) Fun Race 3D - 23;

3) Perfect Slices - 12;

4) Bouncemasters - 12;

5) I Peel Good - 11;

6) Tiles Hop - дзесяць;

7) Aquapark.io - дзевяць;

8) Run Race 3D - дзевяць;

9) Crowd City - восем;

10) Cool Goal! - восем.