Выяўленая самая хуткая зорка

Яе хуткасць складае прыкладна шэсць мільёнаў кіламетраў на гадзіну!

Адзначаецца, што такая высокая хуткасць можа выкінуць зорку за межы Галактыкі, піша «Популярная механика».

Наша зорка - Сонца - рухаецца з хуткасцю прыкладна 720 000 кіламетраў за гадзіну. Можа здацца, што гэта вельмі высокая хуткасць - яна, аднак, нішто ў параўнанні з хуткасцю, дэтэктаванай у зоркі S5-HVS1: як выявілі навукоўцы, гэтая зорка рухаецца з хуткасцю шэсць мільёнаў км/г.

Зоркі, якія рухаюцца з настолькі вялікай хуткасцю, вядомыя як звышхуткасныя зоркі, і на гэты момант было выяўлена ўсяго некалькі такіх аб'ектаў. Хуткасць такіх зорак павінна перавышаць 500 км/сек - што павінна быць дастаткова, каб вызваліцца ад гравітацыі Млечнага Шляху і ў выніку трапіць у міжгалактычную прастору.

S5-HVS1 ж з'яўляецца самай хуткай з вядомых звышхуткасных зорак: яе хуткасць значна перасягае хуткасць мінулага рэкардсмена - белага карліка пад назвай US708 (хуткасць апошняга - прыкладна 1 200 км/сек, у той час як хуткасць S5-HVS1 - больш за 1 700 км/г).

Як жа з'яўляюцца такія, звышхуткасныя зоркі? Згодна з найбольш распаўсюджанай гіпотэзай, такія аб'екты з'яўляюцца, калі падвойная зорная сістэма падыходзіць занадта блізка да чорнай дзіркі - і апошняя паглынае адну з зорак, у той час як другая выкідваецца на вялікай хуткасці.

У выпадку з S5-HVS1, як высветлілі навукоўцы, чорнай дзіркай выступіла звышмасіўная чорная дзірка, якая знаходзіцца ў цэнтры Млечнага Шляху, - Стралец A*. Даследчыкі мяркуюць, што гэта падзея адбылася прыкладна пяць мільёнаў гадоў таму.