Фонд нацыянальнага дабрабыту РФ улады маюць намер захоўваць у кітайскіх юанях

Кітай павялічвае ўплыў на фінансавую сістэму паўночнага суседа.

Мінфін Расеі цягам 2020 года мае намер змяніць валютную структуру Фонду нацыянальнага дабрабыту, паведаміў у сераду намеснік міністра фінансаў Уладзімір Колычаў, паведамляе finanz.ru.

Склад ФНБ, дзе ў выглядзе замежнай валюты збіраюцца даходы бюджэту ад нафты, даражэйшай за 40 даляраў за барэль, наблізіцца да золата-валютных рэзерваў ЦБ за памяншэнне долі амерыканскага даляра, распавёў Колычаў у кулуарах канферэнцыі рэйтынгавага агенцтва S&P у Маскве.

«Цэнтральны банк, ён структуру сваіх ЗВР ужо памяняў і прадаўжае мяняць, у гэтым плане ФНБ - гэта таксама частка золата-валютных рэзерваў краіны, яна ў прынцыпе ўваходзіць у золата-валютныя рэзервы Цэнтральнага банка, таму тут мы проста неяк больш сінхранізуемся з Цэнтральным банкам. Структура будзе не ідэнтычная, вядома, але яна будзе больш падобная», - цытуе намесніка міністра «Інтэрфакс».

Са слоў Колычава, на замену даляра разглядаюцца «розныя валюты», якія паводле стандартаў МВФ уважаюцца за рэзервовыя.

«У тым ліку юані і іншыя (валюты)», - паведаміў намеснік кіраўніка Мінфіна, удакладніўшы, што адной з ключавых прычын для змены структуры валютных рэзерваў застаюцца «геапалітычныя рызыкі».

Пакуль дэдалярызацыя рэзерваў, якая пачалася ў Расеі ў 2018 годзе ў адказ на санкцыі супраць «Русала», не закранула расейскае Мінфінансаў, якое валодае запасам 140 млрд даляраў, што складае чвэрць золатавалютных рэзерваў краіны. Так, на 31 сакавіка ў структуры рэзерваў ЦБ доля еўра складала 30,3%, даляра ЗША - 23,6%, кітайскага юаня - 14,2%, брытанскага фунта - 6,6%, іншых валют (японская ена, канадскі і аўстралійскі даляры) - 7,1%.

У ФНБ, які належыць Мінфіну, наадварот, пераважае даляр: фонд складаецца з 45,5 млрд даляраў, 39,2 млрд еўра, і 7,7 млрд фунтаў стэрлінгаў.

У 2018 годзе Банк Расеі прадаў дзяржаўныя аблігацыі ЗША на 90 млрд даляраў, скараціўшы ўкладанні ў іх амаль у 10 разоў і размясціўшы атрыманую валюту на дэпазітах у замежных камерцыйных банках (142,7 млрд даляраў на 1 кастрычніка).

Адначасова ЦБ РФ значна павялічыў пералічэнні ў юань - да 69,2 млрд даляраў на 31 сакавіка. Гэтыя інвестыцыі - рэкордныя сярод усіх цэнтрабанкаў свету - вярнуліся для рэгулятара шматмільярднымі стратамі на курсавых розніцах пасля таго, як юань пачаў імкліва таннець на фоне гандлёвай вайны Кітая і ЗША.

З 6,2 юаняў за даляр вясной 2018 года курс падняўся да адзнакі 7,2 у верасні 2019 года, перш чым апусціцца да 7,01 юаня на 13 лістапада.

Дэдалярызацыя рэзерваў каштавала Расеі 20 млрд даляраў - такую суму ЦБ РФ страціў на курсавых розніцах праз абясцэненне рэзервовых валют да даляра ЗША. Блізу паловы гэтых стратаў - амаль 10 млрд даляраў - забяспечыў кітайскі юань.