Навукоўцы знайшлі «найпрасцейшы» спосаб барацьбы з глабальным пацяпленнем
15- 8.10.2019, 17:25
- 14,914
Спецыялісты з Кембрыджскага ўніверсітэта правялі даследаванне.
Навукоўцы правялі даследаванне і высветлілі, што скарачэнне мясных страў у рацыёне ў школьных і ўніверсітэцкіх сталовых можа паменшыць колькасць сусветных выкідаў парніковых газаў. Пра гэта гаворыцца ў даследаванні, апублікаваным у PNAS, піша liga.net.
Навукоўцы з Кембрыджскага ўніверсітэта адзначаюць, што на жывёлагадоўлю прыпадае прыкладна 15% сусветных выкідаў вуглякіслага газу.
Яны правялі даследаванне, прааналізаваўшы 94 000 варыянтаў харчавання, і выявілі, што пры павелічэнні колькасці вегетарыянскіх страў з адной з чатырох да дзвюх з чатырох доля набытых раслінных прадуктаў харчавання ўзрастае на 40-80%.
«Пераход на дыету, заснаваную на раслінных прадуктах, - адзін з найбольш эфектыўных спосабаў скарачэння ўздзеяння ежы на навакольнае асяроддзе», - заяўляе экаактывістка Эма Гарнет.