Лукашэнка: Мы з маім сябрам Пуціным падарылі Украіну сваім ворагам

Дыктатар адзначыўся дзіўным «геапалітычным» выказваннем.

Выступаючы на форуме «Менскі дыялог», Лукашэнка зрабіў выпад на адрас ЗША, паведамляе tut.by.

Дыктатар заявіў, што «сёння ЗША паглыбленыя ва Украіне не толькі ў развязанне праблемаў на ўсходзе краіны, але і ва ўсе эканамічныя і палітычныя пытанні».

– Абмяркоўваючы і са сваім сябрам, Уладзімірам Уладзіміравічам Пуціным, і з іншымі, мы кажам, што мы ж увесь час змагаліся ў СССР супраць Захаду, супраць NATO, было гэтае супрацьстаянне. А сёння мы Украіну проста падарылі сваім ворагам, сваім спаборнікам, сваімі рукамі аддалі Украіну, калі разважаць у старым стылі. За гэта амерыканцы і NATO павінны нам проста дзякаваць, што яны, напэўна, і робяць, размаўляючы паміж сабой. Але сёння яшчэ можна развязаць гэты канфлікт, таму што дыягназ пастаўлены, і трэба пачынаць лячыць, – сказаў Лукашэнка.