У Гішпаніі кантрабандысты выратавалі ў моры паліцэйскіх, якія іх пераследавалі
5- 5.10.2019, 21:30
- 27,508
Ля паўднёвага ўзбярэжжа Гішпаніі адбыўся цікавы выпадак.
Трое гішпанскіх паліцэйскіх, якія былі ў моры, калі іх лодка разбілася падчас пагоні, былі выратаваныя кантрабандыстамі наркотыкаў, якіх яны гналі.
Пра гэта паведамляе «Европейская правда» са спасылкай на Guardian.
У пятніцу паліцэйскае судна пачало пераследаваць катар «з чатырма людзьмі на борце, якія падазраваліся ў перавозцы наркотыкаў» у водах ля паўднёвага ўзбярэжжа Гішпаніі.
Падчас пагоні два судны сутыкнуліся, у выніку чаго трое паліцэйскіх упалі ў мора, бо іх лодка «выйшла з-пад кантролю».
З дапамогай мегафона паліцэйскі гелікаптэр, які завіс над лодкай падазраваных, заклікаў людзей, што знаходзіліся на борце катара, дапамагчы, і яны выцягнулі з вады трох паліцэйскіх.
Аднак гэта не дапамагло ім, калі паліцыя знайшла тры тоны гашышу ў вадзе непадалёк. «Яны былі арыштаваныя за незаконны абарот наркотыкаў», - гаворыцца ў заяве паліцыі.