Трамп пагаварыў з Эрдаганам пасля звестак пра зрыў замірэння ў Сірыі

Раней курды абвінавацілі Анкару ў зрыве замірэння.

Прэзідэнт ЗША Дональд Трамп правёў перамовы з кіраўніком Турцыі Раджэпам Таіпам Эрдаганам. Аб гэтым кіраўнік ЗША паведаміў у сваім Twitter.

«Ён сказаў мне, што быў невялікі снайпэрскі і мінамётны агонь, які хутка спынілі», - заявіў Трамп. Са слоў прэзідэнта ЗША, Эрдаган вельмі хоча, каб «спыненне агню або паўза спрацавалі».

«Абодва бакі праяўляюць добрую волю, ёсць вельмі добры шанец дасягнуць поспеху», - напісаў Трамп.