Экс-намеснік сакратара РНБА Гладкоўскі затрыманы пры спробе выезду з Украіны
2- 17.10.2019, 14:27
- 10,155
Ён падазраецца ў карупцыі на «Украбаронпраме».
Экс-намеснік сакратара РНБА Алег Гладкоўскі спрабаваў выехаць з Украіны, яго затрымала НАБУ, паведамляе «Інтэрфакс-Україна» са спасылкай на крыніцы.
«Гладкоўскі спрабаваў сёння вылецець з Украіны праз аэрапорт Барыспаль, але быў затрыманы на мяжы супрацоўнікамі НАБУ», - паведаміла агенцтву крыніца ў праваахоўных органах.
25 лютага каманда журналісцкіх расследаванняў Bihus.Info апублікавала расследаванне, у якім сцвярджалася, што Ігар Гладкоўскі, сын Алега Гладкоўскага, з дапамогай фірмаў - «пракладак» пастаўлялі абаронным прадпрыемствам кантрабандныя расейскія дэталі завышанымі коштамі.
Паводле звестак журналістаў, сума крадзяжоў складае мінімум 250 млн грн.
Гладкоўскі быў звольнены з пасады першага намесніка сакратара РНБА ўказам прэзідэнта Пятра Парашэнкі 4 сакавіка.
10 кастрычніка прэзідэнт Украіны Уладзімір Зяленскі запэўніў, што неўзабаве праваахоўныя органы абнародуюць вынікі расследавання фактаў карупцыі ў дзяржканцэрне «Украбаронпрам».
У ліпені 2019 года Гладкоўскі ізноў узначаліў карпарацыю «Богдан», прэзідэнтам якой ён быў з моманту яе стварэння ў 2005 годзе да прызначэння на дзяржслужбу.
У 2014 годзе завод карпарацыі «Богдан» у Чаркасах перапрафіляваны на выпуск вайсковай тэхнікі.