«Газпраму» прымусова адключылі імпартную тэхніку праз спадарожнік

Абсталяванне адключылі або праз заканчэнне гарантыйных тэрмінаў, ці праз санкцыі.

«Газпрам» сутыкнуўся з прымусовым адключэннем аўстрыйскіх кампрэсараў LMF, паведаміў начальнік дэпартамента N335 Павел Крылоў, паведамляе «Интерфакс».

З яго слоў, іх адключылі «дыстанцыйна», і цяпер гэтыя кампрэсары «стаяць мёртвым грузам, не працуюць дагэтуль». «Дыстанцыйна праз спадарожнік адключана, проста ў металалом ператварыліся», - сказаў Крылоў.

Узамен замежных плануецца закупіць мабільныя модульныя кампрэсарныя станцыі расейскай вытворчасці, прапанова ўжо прадставіла Казанскае прадпрыемства ЗАТ НВП «Компрессор».